(ئاکاری) کچە خوێندکارێکی ئامادەییە کە ئەرێنی و واقعانەیە لەگەڵ خۆشەویستیا، هەرچەندە باش نیە لەدەربڕینی هەستەکانیا. لەکاتێکا (یوونا) بەچاویلکەی پەمەیی گوڵدارەوە لەخۆشەویستی دەڕوانێت، خەون بەوەوە دەبینێت ڕۆمانسیەتێکی وەک ئەوانەی نێو کتێبە مانگا ڕەنگاوڕەنگەکانی هەبێت. لەم نێوەندەدا (ڕیۆ) و (کۆزومی) هەن، دوو کوڕە قوتابی ئامادەیی کە تێڕوانیان جیاوازە بۆ خۆشەویستی. (یوونا) سەرنجی (ڕیۆ) ڕادەکێشێت کە زڕ برای (ئاکاری)ـیە، وە (ئاکاری) سەرنجی (کۆزومی) ڕادەکێشێت کە هاوڕێی منداڵی (یوونا)ـیە. ئایە لەکۆتاییا ئەم چوار هەرزەکارە ئەزموونی چیڕۆکێکی خۆشەویستی دەکەن کەهاوشێوەی ئەوە بێت وا پێشبینیان دەکرد؟
